عجوز معقدة

موضوع: عجوز معقدة الجمعة يوليو 24, 2009 6:22 pm

بسم الله الرحمن الرحيم

--------

هذه قصة عجوز تبي تخطب لولدها

* * * *

شاب جامعي خلوق أراد ان يتزوج ...لكن امه العجوز تكفلت له بأن تبحث له عن فتاة تعرفها وتدخل مزاجها لان مو كل بنت على حد زعمها تصلح لها.... اخوات هذا الشاب ذكروا له زميلتهم في الكلية وهي فتاة رائعة وآية في الجمال والاخلاق واجتماعية بشكل كبير ... ومن كثر ما يتكلمون عنها تعلق قلبه بها وطلب من أخواته ان يكلموها عنه ... بدأ البنات بالحديث لتلك الفتاة عن أخوهم واخلاقه الرائعة ودمه الخفيف وحفاظه على الصلاة والدين و .. و ..

المهم ..

البنت المسكينة تعلقت فيه وحبته... لكن المشكلة انهم من قبيلتين مختلفة وكيف يقنعون الام العجوز بهذه البنت الحلوة ... وبعد مشاورات... وتعرفون بنات هاليومين حيل وتدابير ..

بعد يومين اتصلت هذه البنت المسكينة على أخوات الشاب وقالت: مافيه الا اني اتعرف على امكم شخصيا الى أن اخليها تعجب فيني وهي بنفسها اللي تخطبني .... قاموا يفكرون شلون تتعرف على امه ؟
وتذكرت ان ابوها وامها بيروحون الحج هذي السنه ...

قالت :وش رايكم تودون امكم للحج بنفس الحمله اللي بيروحون فيها اهلي وانا ابقنع اهلي اني أروح معاهم ....؟

ومن يومها وهي تحن على اهلها ابي احج معكم ؟
قالوا لها :ماعندنا مانع والحج فريضه على كل مسلم وودنا انك تروحين وتقضين فرضك

انبسطت وقالت له ان اهلها بيودونها للحج معهم والدور عليه الحين عشان يخلي امه تروح للحج ..

واول ماوصلوا لمكة وهي تدور لها في السكن اللي هم ساكنين فيه وكل وقت وكل صلاه وهي جنب أم الشاب وبالليل تساعدها بقراءة الدعاء... ولما جاء يوم عرفه راحت تجمع لها الحصى
وتقول لها : هذا الحصاة اكبر وتعور إبليس وتعطيها .. ولما راحوا يرجمون كانت معها بكل خطوه من خطواتها... ولما جاء اخر يوم من ايام الحج وكانوا بيطوفون الوداع راحت تسلم عليها وتحضنها وتقول لها:
والله اني احبك مثل أمي واني ارتحت لك ياخاله وتهل من دموع التماسيح وراحوا للمطار علشان يرجعون لديرتهم ولما وصلوا استقبل الولد امه وابوه من المطار وقعد يسئلهم عن حجهم وعسى ماتعبتوا ومن هذا الكلام وبعدها
قال: يمه عسى ارتحت بحجك ؟ قالت ياولدي والله انه احسن حج ذا السنه الله يخليك لنا .
قال :عسى الناس اللي معك طيبين وارتحتي لهم؟
قالت :والله ماعليهم ناس اجاويد بس والله ماضيق صدري الا بنت لزقة كانت معنا نشبت بحلقي هناك ما شفت ملقوفة ومطفوقة مثلها الله يعيين اللي بياخذها ..

يعني ما في امل أبد

تحياتي

ههههههههههههههههههههههههه(عشم ابليس فى الجنة ) مشكووووووووووووووووووووووووووووووووووووور