كُـنافة الكب كيك بالمكسرات..,,,

عدد المساهمات : 38 تاريخ التسجيل : 07/10/2009

السلام عليكم ورحمة الله وبركاته..

المقادير:
باكيت كنافه..
250 غرام زبده..
قشطه.. "استخدمت القيمر"
مكسرات على حسب الرغبه..
شيرة..

الطريقة:
نقطع الكنافه بالمقص أو باليد.. عن نفسي كنت حاطه الكنافه فالثلاجه على بروده خفيفه ولما طلعته على طول اتكسرت يعني ماتحتاي لمجهود..
نصب عليها الزبده.. طبعًا الزبده تكون ذايبه ودافيه..
نفركها زين علشان الكنافه تتشرب الزبده كلها..
ناخذ صينية الكب كيك ونحط فيها مقدار بسيط من الكنافه.. وبعدها نحط قفشة قيمر أنا أستخدمت القفشة الصغيره وطلعت الكنافه حلوه..وبعدها نحط أي نوع من أنواع المكسرات..استخدمت الجوز وبعدها غطيته بطبقة من الكنافه..
لازم نضغط على الكنافه ضغطه خفيفه علشان تتماسك..
ندخلها الفرن على درجه حرارة 150 لين نشوف أطرافها اشقرت..نشغل النار عليها من فوق لين بعد تشقر..
وبعدين نطلعها ونسقيها بالشيره وأهي فصينية الكب كيك.. نصبر عليها فتره من 5 لين 10 دقايق..
وبعدين نقلبها فصينيه..نزينها بالفستق.. نقدر نحتفظ فيها بالثلاجه لمدة 3 أيام..

طريقة الشيرة:
3 أكواب سكر..
كوب ونص ماي..
ملعقة ليمون على حسب الرغبه وماي ورد..

بالعافية